Flokksráðsfundur Vinstri grænna fer að þessu sinni fram í Hljómahöll í Reykjanesbæ. Hann fer fram laugardaginn 17. ágúst 2024.

Flokksráðsfulltrúar og aðrir gestir þurfa að skrá sig í gegnum heimasíðuna. Þú getur nálgast skráningarsíðuna með því að smella hér. 

Hann er opinn öllum félögum VG. Öll eru velkomin á fundinn, þrátt fyrir að vera ekki skráðir flokksráðsfulltrúar. Þess ber að geta að aðeins kjörnir flokksráðsfulltrúar hafa atkvæðisrétt á fundinum. 

Flokksráðsfundargjaldið að þessu sinn verður 3.500 krónur.

TILLAGA UM FUNDARSKÖP

Flokksstjórn leggur til við flokksráðsfund VG að þar gildi eftirfarandi fundarsköp:

• Ræðutími í fyrstu umferð í almennum stjórnmálaumræðum verði 2 mínútur en 1 mínútur ef menn taka oftar til máls en einu sinni.
• Fundarstjórum er heimilt að leggja til að ræðutími verði takmarkaður enn frekar ef óhjákvæmilegt er til að halda dagskrá, enda samþykki fundurinn það.
• Að öðru leyti gilda almennar reglur um fundarsköp.

Tímafrestir:

• Frestur til að skila tillögum og ályktunum rennur út klukkan 9.00 laugardaginn 10. ágúst. Tillögur berist á ritstjorn@vg.is.
• Breytingartillögum er hægt að skila á netfangið ritstjorn@vg.is til kl. 12.00 á laugardaginn 17. ágúst.

Við hvetjum félaga til að vera virk á samfélagsmiðlum eins og Twitter, Facebook og Instagram.  Finnið VG á öllum þessum miðlum!